Boru hasianku
boru sinuanbeuku nabasa
Nunga magodang ho
naikkon muli nama ho
Boruku da hasian
Nuaeng pe inang
ai nunga ro be rokkap mi helaki
Dimangajanaon
jakkon ma pasupasu ni natorop i
Pir ma tondim
Reff
Burju ma ho o boruku
pature siadopanmi
Sai unang lupa ho inang
manuhuk simatua mi
Asa tanda boru ni raja ho
Tubu ma laklak nang sikkorung
da di dolokni purba tua
Tubuan anak dohot boru
jala sahat saur matua
Tangianhi ma boruku na mandongani ho di nadao
Marsiamin aminan marsianju-anjuan
dainang dohot helaki
Ingot ma padan na ni undukmi
na di jolo ni pandita i
Tung na so jadi ho marsirang
so sinirang i hamatean
I do hata ni Tuhan i
No comments:
Post a Comment